मकवानपुरको राप्ती नदीमा जलसतह सतर्कता तह नजिक
शुक्रबार, ०१ भदौ २०८०, २२ : ०४
हेटौँडा । मकवानपुरको राप्ती नदीमा जल सतह सतर्कता तह नजिक पुगेको छ । शुक्रवार साँझ भएको वर्षाका कारण मकवानपुरको पूर्वी राप्ती नदीमा जल सतह सतर्कता तह नजिक पुगेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणका अनुसार शुक्रवार साँझ २ घण्टा भएको वर्षाका कारण राप्ती नदी रजैया केन्द्रमा जल सतह मापन गर्दा सतर्कता तह नजिक पुगेकाले सचेत रहन आग्रह गरिएको छ ।
जल सतह बढेकाले मकवानपुर र चितवनको सौराहा लगायतका तटीय क्षेत्रहरूमा उच्च सतर्कता अपनाउन प्राधिकरणले अनुरोध गरेको छ ।