काठमाडौँ । परम्परागत शैलीमा उपचार गर्न विश्वभर छुट्टै पहिचान बनाएको चीनले नेपालमा समेत सोही प्रविधिमा आधारित स्वास्थ्य उपचार गर्न सहयोग गर्ने भएको छ । 

प्रधानमन्त्रीको पछिल्लो चीन भ्रमणका क्रममा चीनले नेपालमा आफ्नो शैलीको परम्परागत विधिमार्फत उपचार गर्न अस्पताल नै स्थापना गर्ने भएको हो ।

सम्झौताअनुसार चीनले नेपालमा अस्पताल स्थापनाका लागि आवश्यक सहयोग उपलब्ध गराउने छ । राजधानी काठमाडौँमा स्थापना हुने परम्परागत शैलीको उपचार केन्द्रका लागि चीनले डाक्टरको उपलब्धता समेत गराउने छ ।

यस्तै, नेपाली स्वास्थ्यकर्मीलाई आवश्यक तालिम प्रदान गर्ने छ । यस्तै, चीन–नेपाल परम्परागत उपचार केन्द्रमा निःशुल्क उपचारको व्यवस्था समेत हुनेछ । यसबाहेक, केन्द्र स्थापनामा समेत सहयोग गर्ने सम्झौतामा उल्लेख छ ।