आठ रन बनाउँदै आउट भए कुशल भुर्तेल
बिहीबार, ०२ कात्तिक २०८०, १३ : ०९
काठमाडौँ । त्रिकोणात्मक टी—२० क्रिकेट शृंखलाको हङ्कङविरुद्धको खेलमा बिहीबार जितका लागि ९५ रनको लक्ष्य पछ्याएको नेपालले पहिलो विकेट गुमाएको छ । पहिलो विकेटका रुपमा ओपनर ब्याट्सम्यान कुशल भुर्तेल आउट भएका हुन् ।
उनी आठ रन बनाउँदै हङ्कङका एहसान खानको बलमा बोल्ड भए । उनले आठ बलको सामना गरी एक चौका पनि हिर्काए । नेपालले चार ओभरको खेल सकिँदासम्म एक विकेट गुमाएर २८ रन बनाएको छ ।
काठमाडौँको मुलपानी क्रिकेट मैदानमा नेपालले टस जिती पहिले फिल्डिङ गर्ने निणर्य लिएको थियो । पहिले ब्याटिङ गरेको हङ्कङले १९.३ ओभरमा अलआउट हुनुअघि ९४ रन बनाएको थियो ।