जनताको आवाजमा सरकार प्रतिक्रिया विहीन बन्यो : सांसद शुक्ला
बिहीबार, २१ मङ्सिर २०८०, १५ : २३
काठमाडौँ । लोकतान्त्रिक समाजवादी पार्टी नेपालका सांसद सर्वेन्द्रनाथ शुक्लाले सांसदहरुले उठाएका प्रश्नको जवाफ सरकारले दिन नसकेको बताएका छन् ।
बिहीवार प्रतिनिधि सभाको बैठकमा बोल्दै उनले सरकार जनताको आवाजमा प्रतिक्रियाविहीन रहेको बताए । उनले कृषिका समस्या बारम्बार उठाउँदा पनि प्रतिक्रिया विहीन हुनु सरकारको कमजोरी भएको बताए । उनले सरकार प्रतिक्रिया विहीन हुँदा संसद्को आकर्षण घट्ने बताए ।
सांसद शुक्लाले कानुन निर्माणमा मूल संसद् भन्दा संसदीय समितिको भूमिका महत्त्वपूर्ण हुने भएपनि समितिको नेतृत्व चयन नै ढिला भएको बताए । त्यसको परिणामूस्वरुप कानुनहरु पर्याप्त रुपमा अघि बढाउन नसकिएको उनले बताए ।