बागमती प्रदेश : श्रम मन्त्रालयका लागि ७७ करोड ६ लाख रुपैयाँ विनियोजन
मकवानपुर । बागमती प्रदेश सरकारले आगामी आर्थिक वर्षमा श्रम रोजगार तथा यातायात मन्त्रालयका लागि ७७ करोड ६ लाख रुपैयाँ विनियोजन रुपैयाँ बजेट विनियोजन गरेको छ ।
प्रदेशका आर्थिक मामिला तथा योजना मन्त्री बहादुर सिं लामाले शुक्रबार बसको प्रदेशसभा बैठकमा बजेट प्रस्तुत गर्दै सरकारले आगामी आर्थिक वर्षमा श्रम रोजगार तथा यातायात मन्त्रालयका अन्तर्गत विभिन्न कार्यक्रम अन्तर्गत ७७ करोड ६ लाख रुपैयाँ बजेट विनियोजन गरिएको बताए ।
सरकारले यातायात व्यवस्था कार्यालयलाई डिजिटलाइजेशन गर्ने, प्रदेशका विभिन्न स्थानमा विद्युतीय सवारी साधनका लागि चार्जिङ स्टेशन निर्माण, प्रदेशमा नै सवारी चालक अनुमति पत्र छपाइको काम अघि बढाउने र सो कार्यका लागि छपाई मेसिन खरिद गर्न बजेट विनियोजन गरिएको उनले बताए ।
आगामी आर्थिक वर्षमा श्रम ऐन जारी गरी कार्यान्वयन गर्ने मन्त्री लामाले बताए ।